محمود صادق: دراستي ساعدتني افهم الناس .. وخبرتي وراء نجاح العلامات التجارية التي اطلقتها
بقلم: غرام رمضان
محمود صادق عرفنا بداية رحلتك في سوق المجمدات والفريشات؟
اعمل حاليا كمدير تجاري لشركه موديرن تريد “ميزة ” اتمتع بخبرة تمتد لأكثر من 27 عامًا في التسويق والمبيعات عملت خلالها في 10 شركات رائدة وساهمت في إطلاق وتطوير علامات تجارية ناجحة داخل السوق المصري امتلك خبرة متخصصة تفوق 15 عامًا في سوق الدواجن والمجمدات وامتاز بقدرة عالية على بناء استراتيجيات تسويقية فعّالة وإدارة فرق عمل متميزة وتحقيق نمو مستدام في الأسواق التنافسيه وتحقيق اعلي معدلات الربحيه.
كنت خريج كلية الخدمة الاجتماعيةإزاي انتقلت لعالم التجارة ؟
دراستي ساعدتني أفهم الناس وسلوكهم وده كان أساس قوي في البيع والتفاوض وإدارة فرق العمل وعمل علاقات تجاريه ناجحه
ممكن تحكي لنا عن أول شركة اشتغلت فيها؟
كانت شركة توزيع محلية واتعلمت فيها السوق من تحت من المخزن لحد باب العميل واساسيات البيع وخطوات الزياره ومعالجه اعتراضات العميل وتقسيم المناطق وخطوت السير باختصار الاساس العلمي للمهنه .
27 سنة خبرة إيه أهم التحولات اللي شفتها في السوق المصري خلال الفترة دي؟
أكبر تحول هو انتقال السوق من العشوائية إلى التنظيم ودخول سلاسل ومطاعم كبيرة غير شكل الطلب تمامًا في مصرمع ظهور سوق الاون لاين الي سهل عمليه الشراء ودخل دخل لناس كتير
إيه أصعب موقف واجهك في حياتك العملية وازاي تعاملت معاه
توقف مفاجئ في توريد الخامات لعدم توفر سيوله نقديه والمشكله الاكبر ان عدد العملاء المتعامل كان غير مناسب لطاقه الانتاج وتم اتخاز
الازم لتوفر سيوله نقديه وتحويل الخساره الي مكسب ومضاعفه عدد العملاء المتعاملين
السوق المصري معروف بالمنافسة الشرسة إيه اللي بيميز من ينجح عن اللي يفشل؟
66شركه مصنعه و104 علامات تجارية عاملة في السوق المحلي منافسه كبيره جدا ولكن الناجح فقط الشركه التي تحافظ علي الجوده
المناسبه وعلي السعر العادل وعلاقاتها بالعملاءمن خلال برامج الولاء والحوافز
ممكن تحكي لنا عن حجم سوق المجمدات المصري حاليًا؟
يُعد سوق المجمدات في مصر من أكبر أسواق المنطقة، إذ يُقدّر حجم الاستثمارات فيه بأكثر من 25 مليار جنيه مصري، مع معدل نمو سنوي
يقارب %8 مدفوعًا بزيادة الطلب على المنتجات الجاهزة وسريعة التحضير
نسب الاستهلاك بين الفريش المجمدات المحلية والمستوردة؟
الفريش ما زال المسيطر يليه المجمد المحلي ثم المستورد بنسب أقل والمجمد المستورد شغله اغلبه في قطاع الفنادق والمطاعم
معدل النمو السنوي في السوق؟
يتراوح في المتوسط بين %8 إلى %12 حسب ظروف العملة والخامات
في بداية أي مشروع إيه أول خطوة بتعملها في التوزيع والمبيعات؟
اختيار مناطق تشغيل محددة وبناء شبكة موزعين قوية قبل أي توسع مع مراعاه مستوي المنتج والفئات المستهدفه
إيه أهم نصيحة ممكن تقدمها للي عايز يبدأ في مجال المجمدات أو التجارة عامة؟
ادخل السوق صغير وكبّر على أساس أرقام حقيقية مش توقعات وحدد الفئه المستهدفه والمنطقه والعملاء بعنايه
لو حبيت تلخص فلسفتك في جملة واحدة هتقول إيه؟
الجودة الحقيقية هي اللي تحميك وقت الأزمات
حصلت على ماجستير إدارة أعمال متخصص في الدواجن واللحوم قد إيه الدراسة فرّقت معاك في الإدارة؟
فرقت جدًا في فهم التخطيط وإدارة التكاليف وتحليل المخاطر وطرق الاداره بدل القرارات العشوائية الغير مدروسه
ليه لسه %65 من السوق دواجن فريش رغم تطور المجمدات؟
لأن المستهلك المصري بطبيعته بيثق أكتر في الفريش
أخطر تهديد حاليًا لصناعة المجمدات في مصر إيه؟ الدولار؟ الأعلاف؟ ولا المنافسة نفسها؟
تقلب الدولار وتكلفة الأعلاف لأنهم بيضربوا في التكلفة مباشرة مع تكلفه التخزين والطاقه
ليه اخترت مدة صلاحية قصيرة لا تتجاوز 3 شهور؟
علشان أضمن أعلى جودة وطعم ثابت وأمنع تخزين طويل يضر بالمنتج
إزاي بتختار الأصناف المناسبة لكل منطقة؟
على أساس القوة الشرائية، ونوع العملاء المستهدفه )مطاعم – تجزئة – سلاسل( ومستوي الدخل
هل في أرقام بتتابعها يوميًا لاتخاذ القرار
نعم المبيعات اليومية المخزون التحصيل والهالك
وصفت السوق إنه محيط أحمر إيه أخطر معركة خضتها؟
معركة السعر مع منافسين بيبيعوا تحت التكلفة بدون حساب للاستمرارية
إزاي تقدر تتميز وسط 66 شركة مصنعة؟
بالالتزام في الجودة والتسليم وبخدمة ما بعد البيع والالتزام بكافه الاتفاقات
لو معاك استثمار جديد هتوجهه للتوسع التقليدي ولا الأونلاين؟
التوسع التقليدي أولًا والأونلاين كداعم وليس بديل
بتقول محدش بياخد رزق حد قد إيه الأخلاق مهمة في التجارة؟
الأخلاق هي اللي بتخلي العميل يكمّل معاك مش يشتري مرة وخلاص
إيه أكبر خطأ إداري بيقع فيه أصحاب شركات المجمدات؟
الخلط بين السيولة والربحية و عدم تقدير وتطوير فريق العمل
نصيحة واحدة لأي شاب عايز يدخل مجال الصناعات الغذائية؟
افهم التكلفة قبل ما تفكر في الاسم أو الشكل السوق لا يرحم الأخطاء
الاخطاء القاتله للشركات
-1عدم اختيار العميل المناسب تحديات في تحديد الفئة المستهدفة بدقة
-2 عدم فهم احتياجات العملاء صعوبة في مواكبة تغيرات احتياجات العملاء -3 عدم متابعة المنافسين ضعف في رصد وتحليل أداء المنافسين في السوق -4عدم كفاءة الوكلاء في تمثيل الشركة بشكل فعّال
-5 قصور في استكشاف الفرص السوقية الجديدة -6وجود خلل في سياسات الإنتاج وتقديم الخدمة -7عدم التنظيم الإداري الفعّال داخل المؤسسة -8عدم الاستفادة الكاملة من التطور التكنولوجي -9نقص في برامج التدريب والتطوير للموظفين
-10 وجود قصور في التخطيط التسويقي واتخاذ استراتيجياتا خاطئه
-11 ضعف في تحديد وإدارة المخاطر المحتملة
-12 عدم بناء علاقات قوية ومستدامة مع العملاء والشركاء -13 نقص في روح الابتكار وتطوير المنتجات والخدمات -14 ضعف في استخدام البيانات والتحليلات لاتخاذ القرارات -15 مشاكل في التواصل الداخلي بين الأقسام وفِرق العمل
